تابع أداء مشروعك باللحظة: ميزات التقارير بمتجر أوردبل/ الإلكتروني

إذا لقيت نفسك محتار أي منتج تختار حق حملتك الإعلانية الجاية، أو ما تدري وين تفتح فرعك القادم، أو من الأساس ما تدري شنو العناصر من مشروعك اللي تحتاج تطوير – إذاً انت محتاج بيانات ومعلومات تجيك مباشتراً من السوق.

ميزات التقارير بمتجر أوردبل/ الألكتروني تعطيك كل المعلومات اللي تحتاجها بخصوص فترات انتعاش وركود السوق، المنتجات اللي عليها طلب، المناطق اللي منها توصلك أغلب الطلبات، وغيرها الكثير من البيانات المفصلة على مستوى كل عميل.

تحليل اتجاه المبيعات

اكتشف الأوقات اللي تزيد فيها مبيعاتك وأوقات الركود، واطلع على الأداء الأسبوعي والشهري لمساعدتك على التخطيط بشكل استراتيجي.

هالميزة مو بس تعطيك أرقام، لكنها توفر لك نظرة شاملة تساعدك تستغل فرص النمو وتفادي فترات الركود.

تعرف على المنتجات الأكثر مبيعًا

حدد المنتجات الأكثر مبيعًا اللي تحقق أفضل أداء بناءً على المبيعات، وحافظ على المخزون الكافي للمنتجات اللي تهم عملائك.

هالتقارير تمكنك من اتخاذ قرارات دقيقة لتحسين الإيرادات والتركيز على المنتجات اللي تدعم هوية مشروعك.

فهم سلوك العملاء بعمق

تعرف على عملائك عن قرب: من الأكثر ولاء، شنو يفضلون يشترون، وكم مرة طلبو منك.

هالمعلومات تتيح لك تصميم عروض تستهدف كل شريحة بطريقة مخصصة، مما يرفع معدل الاحتفاظ ويزيد من رضا العملاء.

تحليل المبيعات حسب الموقع الجغرافي

تابع وين تتركز طلباتك حسب المناطق الجغرافية لمعرفة المناطق اللي تحتاج تعزيز أو تطوير.

إذا كنت تفكر بالتوسع أو تحسين خدمات التوصيل، هالتقارير هي دليل لمساعدتك في اتخاذ القرار.

تحميل التقارير

يمكنك تحميل تقارير عديدة مختصة بالطلبات، المدفوعات، المنتجات، وجميع البيانات الاخرى اللي يخزنها متجرك بشكل يومي. 

هذه الميزة تساعد تشارك تقاريرك إن كان عندك شركاء، عندك عملية معينة تطلب تقرير، وغيرها من الحالات.